Heðin Mortensen
Lesarabræv28. august 2019
Heðin Mortensen

Tíðin komin til umsorgan

Nú er tíðin komin til, at vit fáa nakrar umsorganardagar til okkara eldru, so tey kunnu fáa hjálp og lætta í sínum gerandisdegi.

Løgtingsval 2019

Føroyingar gerast eldri og eldri, og av tí sama er alsamt størri tørvur á umsorgan og hjálp.

Tí eiga vit at bera so í bandi, at avvarðandi skulu kunna hjálpa sínum foreldrum og eldru nakrar dagar um árið, uttan at tað skal kosta teimum frídagar ella løn.

Avvarðandi skulu ikki missa meira enn neyðugt, tá ið tey rætta sínum næstu eina hjálpandi hond við at fara við teimum til lækna og annað, ið tey ikki klára sjálvi.

Nú er tíðin komin til, at vit fáa nakrar umsorganardagar til okkara eldru, so tey kunnu fáa hjálp og lætta í sínum gerandisdegi.

 

Heðin Mortensen, Javnaðarflokkurin