Lóg fyri Suðuroyar Syðra Javnaðarfelag (SuSyJa)

§ 1 NAVN OG ENDAMÁL

1. stk. Navn felagsins er: Suðuroyar Syðra Javnaðarfelag.

2. stk. Endamál felagsins er :

At virka fyri at gera fólk kunnug við endamál floksins, sum er skrásett í stevnuskrá Javnaðarfloksins.

3. stk. Felagið skal virka fyri javnaðarstevnuni og stilla upp til løgtings-, kommunu- og fólkatingsval eins og til almennar nevndir og ráð.

§ 2 LIMASKAPUR

1. stk. SuSyJa stendur sum felag í Javnaðarflokkinum.

2. stk. Øll, sum eru fylt 18 ár, og vilja fylgja lóg felagsins og stevnuskrá Javnaðarfloksins kunnu gerast limir við atkvøðurætti við at rinda limagjald, sum aðalfundurin ásetur.

Nevndin hevur tó rætt til, í hvørjum einstøkum føri, at leggja fyri felagið til avgerðar upptøku av nýggjum limi.

3. stk. Limagjaldið verður ásett á aðalfundi felagsins.

§3 NEVNDIN

1. stk. Nevnd felagsins verður vald á aðalfundinum. 5 nevndarlimir og 2 tiltakslimir verða valdir. Nevndarlimir sita 2 ára skeið. Annahvørt ár standa 2 nevndarlimir fyri vali (ólíka ár) og annahvørt ár standa 3 nevndarlimir fyri valið (líka ár). Nevndin skipar seg við formanni, varðaformanni, skrivara og kassameistara.

Ársaðalfundurin velur eisini grannskoðara

§ 4 AÐALFUNDUR OG EYKAAÐALFUNDUR

1. stk. Ársaðalfundurin er hægsta vald felagsins

2. stk. Ársaðalfundurin skal haldast í 1. kvartali og fráboðast limunum í seinasta lagið 14 dagar frammanundan.

3. stk. Aðalfundurin er altíð viðtøkuførður.

4. stk. Allir limir felagsins, sum eru á fundi, hava atkvøðurætt.

5. stk. Uppskot um lógarbroytinar og annað, sum limir ynskja viðgjørd á aðalfundinum, skulu vera nevndini í hendi – skrivliga – í seinasta lagi fýra gerandisdagar fyri fundin.

6. stk. Fyri at gera lógarbroytingar krevst, at minst 2/3 av uppmøttu limunum við atkvøðurætti eru fyri.

7. stk. Dagsskráin fyri aðalfundin er henda:

1. Val av fundarstjóra
2. Frágreiðing av virksemi felagsins í farna árið – formaðurin/nevndin
3. Framløga av grannskoðaðum roknskapi
4. Innkomin uppskot
5. Val av 2 nevndarlimun (ólíka ár), val av 3 nevndarlimum (líka ár)(Starvsnevndarval + tiltaks, Floksleiðsluumboð – formaðurin + tiltaks)
6. Val av 2 tiltakslimum
7. Val av grannskoðara
8. Áseting av limagjaldi
9. Uppstilling – valevnislisti
10. Ymiskt

8. stk. Eykaaðalfundur kann haldast, tá ið nevndin heldur tað verða neyðugt, ella tá minst ? limir skrivliga ynskja tað. Eykaaðalfundur kann fráboðast við styttri fyrivarni, men fylgir annars somu reglum sum aðalfundurin.

§ 5 ROKNSKAPUR

Kassameistarin leggur grannskoðaðan roknskap fyri aðalfundin til góðkenningar.

§ 6 FUNDARBÓK/GERÐABÓK

Skrivarin førir felagsins fundarbók.

§ 7 GJALD FRÁ VALEVNUNUM

1. stk. Býráðslimir gjalda 100,- kr. pr. mð. til felagið, evt. Borgarstjóri 300,- kr.

2. stk. Løgtings-, Landstýris- og Fólkatingsfólk gjalda 300,- kr. pr. mð. til felagið. evt. Løgmaður ?

Lógin soleiðis brott á eykaaðalfundi 20. mars 2019