Skilaleysar broytingar

Tað eru fleiri orsøkir til, at ætlaðu broytingarnar við Búskaparráðnum og Landsbankanevndini eru skilaleysar:

• Landsstýrismaðurin fer frá at velja tveir av sjey limum í nevndini (altso ein minniluta) til at velja allar limirnar einsamallur. Vit mugu hava skott ímillum tann, sum tekur fíggjarligu avgerðirnar, og tann, sum metir um avgerðirnar.
• Landsbankin verður umskipaður til ein stovn við játtan á fíggjarlógini, og tað ger tað møguligt hjá landsstýrismanninum at skerja játtanina, um boðskapurin ikki hóvar honum. Tað er nevniliga orsøkin til, at Landsbankin í dag verður fíggjaður uttan fyri fíggjarlógina.
• Tað verður trupult at finna trý fólk, sum hava allar teir neyðugu førleikarnar, sum í dag eru kravdir av teimum sjey, sum manna Landsbankanevndina.
• Og tí at uppgávurnar hjá Landsbankanevndini og Búskaparráðnum eru sera ymiskar.

Vit hava brúk fyri kritiskum eygum og gegnigum metingum av búskapinum – undir einum og hvørjum landsstýri! Vit tosa um milliardir, sum vit skulu halda eyga við.