Valskrá - SKIL Í

Javnaðarflokkurin legði valskrá floksins fram í Løkshøll í Runavík í dag. 

Yvirskipaði boðskapurin í valskránni er, at Skil má vera í, ikki minst fíggjarliga. 

Freistandi er at lova í eyst og vest í valstríði. 

Men fyri Javnaðarflokkin er umráðandi, at alt, sum verður lovað, eisini verður fíggjað.

Burturúr valskránni kunnu vit nevna hesi øki: 

Fíggjarligt skil í

Vit skulu hava mál fyri útreiðsluvøksturin.

Skattalættar mugu fíggjast.

Uppisjóvarvinnan og alivinnan mugu rinda meira.

Lættari gerandisdag

Arbeiðsvikan skal niður í 37 tímar. Lønin skal vera óbroytt. 

Vit vilja geva lønarlyft til umsorganarøkið.

Mótrokningin av arbeiðsinntøku í fólkapensjónini skal so líðandi burtur. 

Bíligari gerandisdag

Skattalætta og hægri barnafrádrátt til lág- og miðallønt. 

MVG av mjólk, breyði, frukt og grønmeti. 

Fíggjarligt ískoyti til fíggjarliga sperd húski. 

Almannagagnligar leigu-íbúðir.

Grønari gerandisdag

Í 2030 skal øll el-orka á landi vera frá grønum orkukeldum.

Allir lønarbólkar, vinnugreinir og landspartar skulu við í grøna skiftið. 

Landið skal bindast til at ganga undan.